M renmen w

Chak batman kè m
M anvi di w jetèm
M renmen w ou mèt kwè m
San ou m pral gen pwoblèm

Ou fè m damou
Damou fou
L ap plis dejou anjou
Lè m wè w ti kè m kagou
M vin tankou yon joujou

Waw!!

lanmou w sele m tankou yon lwa
Fè m konpòte m kon ti wa
Met kè m anndan tiwa w
Mizik prefere m se ti vwaw

M te konn ba w mo yo an parabòl
Solèy midi m vle w pran m pou parasòl
M pa pale ching chong, anglè ni panyòl
M ekri w nan yon bèl lang ki se kreyòl

Yon ti fraz m repete san sès
M renmen w bèl Nègès❤😘

A. Georbens / Jby✍
La relève / J&L 📚
Tikoze Limyè 💡